Tehillim 17 - Tefillàh LeDavid Shim'àh

תְּפִלָּה לְדָוִד שִׁמְעָה יי צֶדֶק-- הַקְשִׁיבָה רִנָּתִי הַאֲזִינָה תְפִלָּתִי בְּלֹא שִׂפְתֵי מִרְמָה
Tefillàh LeDavid, Sim'àh A-donai Tzedeq, Haqshivàh Rinnatì HaAzinàh Tefillatì Belò Siftè Mirmàh
מִלְּפָנֶיךָ מִשְׁפָּטִי יֵצֵא עֵינֶיךָ תֶּחֱזֶינָה מֵישָׁרִים
Millefanekha Mishpatì Yetzè, 'enekha Teçhezenàh Mesharim
בָּחַנְתָּ לִבִּי פָּקַדְתָּ לַּיְלָה-- צְרַפְתַּנִי בַל-תִּמְצָא זַמֹּתִי בַּל-יַעֲבָר-פִּי
Bachantà Libbì Paqadta llaulàh, Tzeraftani Val Timzà, Zammoti Bal Ya'avor Pì
לִפְעֻלּוֹת אָדָם בִּדְבַר שְׂפָתֶיךָ-- אֲנִי שָׁמַרְתִּי אָרְחוֹת פָּרִיץ
Lif'ullot Adam Bidvar Sefatekha, Ani Shamarti Orchot Paritz
תָּמֹךְ אֲשֻׁרַי בְּמַעְגְּלוֹתֶיךָ בַּל-נָמוֹטּוּ פְעָמָי
Tamokh Ashurai Bema'ghelotekha Bal Namottu Fe'amai
אֲנִי-קְרָאתִיךָ כִי-תַעֲנֵנִי אֵ-ל הַט-אָזְנְךָ לִי שְׁמַע אִמְרָתִי
Ani Qeratikha Khi Ta'aneni, E-l Hat Oznekhà Lì Shem'a Imratì
הַפְלֵה חֲסָדֶיךָ מוֹשִׁיעַ חוֹסִים-- מִמִּתְקוֹמְמִים בִּימִינֶךָ
Haflè Chasadekha Moshi'a Chosim, Mimmitqomemim Biminekha
שָׁמְרֵנִי כְּאִישׁוֹן בַּת-עָיִן בְּצֵל כְּנָפֶיךָ תַּסְתִּירֵנִי
Shomreni KeIshon Bat 'Ain, Betzel Kenafekhà Tastireni
מִפְּנֵי רְשָׁעִים זוּ שַׁדּוּנִי אֹיְבַי בְּנֶפֶשׁ יַקִּיפוּ עָלָי
Mippenè Resha'im Zu Shadduni Oyevai BeNefesh Yaqqifu 'alai
חֶלְבָּמוֹ סָּגְרוּ פִּימוֹ דִּבְּרוּ בְגֵאוּת
çhelbamò ssagherù Pimo, Dibberù Vegheut
אַשֻּׁרֵינוּ עַתָּה (סבבוני) סְבָבוּנוּ עֵינֵיהֶם יָשִׁיתוּ לִנְטוֹת בָּאָרֶץ
Asshurenu 'attàh Sevavunu, 'enehem Yashitu Lintot BaAretz
דִּמְיֹנוֹ--כְּאַרְיֵה יִכְסוֹף לִטְרֹף וְכִכְפִיר יֹשֵׁב בְּמִסְתָּרִים
ddimionò KeArièh Ikhsof Litrof Vekhikhfir Yoshev Bemistarim
קוּמָה יי-- קַדְּמָה פָנָיו הַכְרִיעֵהוּ
Qumàh A-donai, Qademàh Fanav Hakhri'ehu
פַּלְּטָה נַפְשִׁי מֵרָשָׁע חַרְבֶּךָ
Palletàh Nafshì MeRash'à Charbekha
מִמְתִים יָדְךָ יי מִמְתִים מֵחֶלֶד חֶלְקָם בַּחַיִּים (וצפינך) וּצְפוּנְךָ תְּמַלֵּא בִטְנָם יִשְׂבְּעוּ בָנִים-- וְהִנִּיחוּ יִתְרָם לְעוֹלְלֵיהֶם
Mimtim Yadekha A-donai, Mimtim Meçheled çhelqam Bachayiim utzfunekha Temallè Vitnam Isbe'u Vanim, Vehinnichu Itram Le'olelehem
אֲנִי--בְּצֶדֶק אֶחֱזֶה פָנֶיךָ אֶשְׂבְּעָה בְהָקִיץ תְּמוּנָתֶךָ
Ani Betzedeq Eçhezèh Fanekha Esbe'àh Vehaqitz Temunatekha

Tehillim 11 - LaMnatzeach LeDavid BaHashem Chassiti

לַמְנַצֵּחַ לְדָוִד בַּיי חָסִיתִי--אֵיךְ תֹּאמְרוּ לְנַפְשִׁי (נודו) נוּדִי הַרְכֶם צִפּוֹר
Lamnatzeach LeDavid, BA-donai Chasiti, Ekh Tomerù LeNafshì Nudì Harkhem Tzippor
כִּי הִנֵּה הָרְשָׁעִים יִדְרְכוּן קֶשֶׁת כּוֹנְנוּ חִצָּם עַל-יֶתֶר
Ki Hinnèh HaResha'im Idrekhun Qeshet Konenu Chitzam 'Al Yeter
לִירוֹת בְּמוֹ-אֹפֶל לְיִשְׁרֵי-לֵב
Lirot Bemò Ofel Leishrè Lev
כִּי הַשָּׁתוֹת יֵהָרֵסוּן-- צַדִּיק מַה-פָּעָל
Ki Hasshatot Yeharesun, Tzaddiq Mah Pa'al
יי בְּהֵיכַל קָדְשׁוֹ-- יי בַּשָּׁמַיִם כִּסְאוֹ
A-donai BeHekhal Qodshò, A-donai Basshamaim Kis_ò
עֵינָיו יֶחֱזוּ-- עַפְעַפָּיו יִבְחֲנוּ בְּנֵי אָדָם
'Enav Yeçhezù, 'Afa'apav Ivchanu Benè Adam
יי צַדִּיק יִבְחָן וְרָשָׁע וְאֹהֵב חָמָס--שָׂנְאָה נַפְשׁוֹ
A-donai Tzaddiq Ivchan VeRash'à VeOhev Chamas, Saneàh Nafshò
יַמְטֵר עַל-רְשָׁעִים פַּחִים אֵשׁ וְגָפְרִית וְרוּחַ זִלְעָפוֹת--מְנָת כּוֹסָם
Yamter 'Al Resha'im Paçhim Esh Vegofrit, VeRuach Zil'afot Menat Kosam
כִּי-צַדִּיק יי צְדָקוֹת אָהֵב יָשָׁר יֶחֱזוּ פָנֵימוֹ
Ki Tzaddiq A-donai, Tzedaqot Ahev Yashar Yeçhezù Fanemo

Tehillim 14 - Lamnatzeach LeDavid Amar Naval Belibbò

לַמְנַצֵּחַ לְדָוִד אָמַר נָבָל בְּלִבּוֹ אֵין אֱ-לֹהִים הִשְׁחִיתוּ הִתְעִיבוּ עֲלִילָה-- אֵין עֹשֵׂה-טוֹב
Lamnatzeach LeDavid, Amar Naval Belibbò: En E-lohim, Hisçhitu, Hit'ivu 'Alilàh, En 'Osèh Tov
יי-- מִשָּׁמַיִם הִשְׁקִיף עַל-בְּנֵי-אָדָם לִרְאוֹת הֲיֵשׁ מַשְׂכִּיל-- דֹּרֵשׁ אֶת-אֱ'לֹהִים
A-donai, Misshamaim Hishqif 'al Benè Adam, Lirot HaYesh Maskil, Ddoresh Et E-lohim
הַכֹּל סָר יַחְדָּו נֶאֱלָחוּ אֵין עֹשֵׂה-טוֹב--אֵין גַּם-אֶחָד
Hakkol Sar Yachdav Neelachu, En 'Osèh Tov, En Ggam Echad
הֲלֹא יָדְעוּ כָּל-פֹּעֲלֵי-אָוֶן אֹכְלֵי עַמִּי אָכְלוּ לֶחֶם יי לֹא קָרָאוּ
Halò Yade'u Kol Po'alè Aven, Okhlè 'Ammì Akhelù Leçhem A-donai Qarau
שָׁם פָּחֲדוּ פָחַד כִּי-אֱ-לֹהִים בְּדוֹר צַדִּיק
Sham Pachadù Pachad Ki E-lohim BeDor Tzaddiq
עֲצַת-עָנִי תָבִישׁוּ כִּי יי מַחְסֵהוּ
'Atzat 'Anì Tavishu Ki A-donai Machsehu
מִי יִתֵּן מִצִּיּוֹן יְשׁוּעַת יִשְׂרָאֵל בְּשׁוּב יי שְׁבוּת עַמּוֹ יָגֵל יַעֲקֹב יִשְׂמַח יִשְׂרָאֵל
Mi Itten Mitzyion Yeshu'at Israel Beshuv A-donai Shevut 'Ammò, Yaghel Ya'aqov Ismach Israel

Tehillim 12 - Lamnateach 'al HaSheminit Mizmor LeDavid

לַמְנַצֵּחַ עַל-הַשְּׁמִינִית מִזְמוֹר לְדָוִד
Lamnateach 'al HaSheminit Mizmor LeDavid
הוֹשִׁיעָה יי כִּי-גָמַר חָסִיד כִּי-פַסּוּ אֱמוּנִים מִבְּנֵי אָדָם
Hoshi'àh A-donai Ki Gamar Chasid Ki Fassù Emunim Mibbenè Adam
שָׁוְא יְדַבְּרוּ--אִישׁ אֶת-רֵעֵהוּ שְׂפַת חֲלָקוֹת--בְּלֵב וָלֵב יְדַבֵּרוּ
Shav Yedabberù Ish Et Re'ehu Sefat Chalaqot, Belev Valev Yedabberù
יַכְרֵת יי כָּל-שִׂפְתֵי חֲלָקוֹת-- לָשׁוֹן מְדַבֶּרֶת גְּדֹלוֹת
Yakhret A-donai Kol Siftè Chalaqot, Lashon Medabberet Ghedolot
אֲשֶׁר אָמְרוּ לִלְשֹׁנֵנוּ נַגְבִּיר--שְׂפָתֵינוּ אִתָּנוּ מִי אָדוֹן לָנוּ
Asher Amerù Lilshonenu Nagbir Sefatenu Ittanu, Mi Adon Lanu
מִשֹּׁד עֲנִיִּים מֵאֶנְקַת אֶבְיוֹנִים
Misshod 'Anyiim Meenqat Evionim
עַתָּה אָקוּם יֹאמַר יי אָשִׁית בְּיֵשַׁע יָפִיחַ לוֹ
'Attàh Aqum Yomar A-donai Ashit BeYesh'à Yafiach Lò
אִמְרוֹת יי אֲמָרוֹת טְהֹרוֹת
Imrot A-donai, Amarot Tehorot
כֶּסֶף צָרוּף בַּעֲלִיל לָאָרֶץ מְזֻקָּק שִׁבְעָתָיִם
Kesef Tzaruf Ba'alil LaAretz Mezuqqaq Shiva'ataim
אַתָּה-יי תִּשְׁמְרֵם תִּצְּרֶנּוּ מִן-הַדּוֹר זוּ לְעוֹלָם
Attàh A-donai Tishmerem Titzerennu Min Haddor Zù Le'olam
סָבִיב רְשָׁעִים יִתְהַלָּכוּן כְּרֻם זֻלּוּת לִבְנֵי אָדָם
Saviv Resha'im Ithallakhun, Kerum Zullut Livnè Adam

Tehillim 13 - 'Ad Anàh HaShem

לַמְנַצֵּחַ מִזְמוֹר לְדָוִד
LaMnatzeach Mizmor LeDavid
עַד-אָנָה יי תִּשְׁכָּחֵנִי נֶצַח עַד-אָנָה תַּסְתִּיר אֶת-פָּנֶיךָ מִמֶּנִּי
'Ad Anàh A-donai Tishkaçheni Netzach, 'Ad Anàh Tastir Et Panekha Mimmenni
עַד-אָנָה אָשִׁית עֵצוֹת בְּנַפְשִׁי, יָגוֹן בִּלְבָבִי יוֹמָם
'Ad Anàh Ashit 'Etzot BeNafshì, Yagon Bilvavì Yomam
עַד-אָנָה יָרוּם אֹיְבִי עָלָי
'Ad Anàh Yarum Oyevì 'Alai
הַבִּיטָה עֲנֵנִי יי אֱ-לֹהָי הָאִירָה עֵינַי פֶּן-אִישַׁן הַמָּוֶת
Habbitàh 'Anenì A-donai E-lohai, Hairàh 'Enai Pen Ishan HaMavet
פֶּן-יֹאמַר אֹיְבִי יְכָלְתִּיו צָרַי יָגִילוּ כִּי אֶמּוֹט
Pen Yomar Oyevì Yekholtiv Tzarai Yaghilu Ki Emmot
וַאֲנִי בְּחַסְדְּךָ בָטַחְתִּי-- יָגֵל לִבִּי בִּישׁוּעָתֶךָ
VaAnì Bechasdekhà Vatachti, Yaghel Libbì Bishu'atekha
אָשִׁירָה לַיי כִּי גָמַל עָלָי
Ashiràh LA-donai Ki Gamal 'Alai

Tehillim 15 - Mizmor LeDavid, HaShem Mi Yagur

מִזְמוֹר לְדָוִד יי מִי-יָגוּר בְּאָהֳלֶךָ מִי-יִשְׁכֹּן בְּהַר קָדְשֶׁךָ
Mizmor LeDavid, A-donai Mi Yagur BeAholekha, Mi Ishkon BeHar Qodshekha
הוֹלֵךְ תָּמִים וּפֹעֵל צֶדֶק וְדֹבֵר אֱמֶת בִּלְבָבוֹ
Holekh Tamim ufo'el Tzedeq Vedover Emet Bilvavò
לֹא-רָגַל עַל-לְשֹׁנוֹ--לֹא-עָשָׂה לְרֵעֵהוּ רָעָה וְחֶרְפָּה לֹא-נָשָׂא עַל-קְרֹבוֹ
Lo Ragal 'al leshonò, Lo 'Asàh LeRe'ehu Ra'ah, Veçherpàh Lo Nasà 'al Qerovò
נִבְזֶה בְּעֵינָיו נִמְאָס-- וְאֶת-יִרְאֵי יי יְכַבֵּד
Nivzèh Be'enav Nim_as, VeEt Irè A-donai Yekhabbed
נִשְׁבַּע לְהָרַע וְלֹא יָמִר
Nishb'à Lehar'à Velo Yamir
כַּסְפּוֹ לֹא-נָתַן בְּנֶשֶׁךְ-- וְשֹׁחַד עַל-נָקִי לֹא לָקָח
Kaspò Lo Natan BeNeshekh, Veshochad 'al naqì lo laqach
עֹשֵׂה-אֵלֶּה-- לֹא יִמּוֹט לְעוֹלָם
'osèh ellèh, lo Immot Le'olam

Tehillim 10 - Lamàh HaShem Ta'amod BeRachoq

לָמָה יי תַּעֲמֹד בְּרָחוֹק תַּעְלִים לְעִתּוֹת בַּצָּרָה

Lamàh A-donai Ta'amod BeRachoq, Ta'alim Le'ittot Batzaràh

בְּגַאֲוַת רָשָׁע יִדְלַק עָנִי יִתָּפְשׂוּ בִּמְזִמּוֹת זוּ חָשָׁבוּ

BeGaavat Rash'à Idlaq 'Anì, Ittafesù Bimzimmot Zu Chashavu

כִּי-הִלֵּל רָשָׁע עַל-תַּאֲוַת נַפְשׁוֹ וּבֹצֵעַ בֵּרֵךְ נִאֵץ יי

Ki Hillel Rash'à 'Al Taavat Nafshò Uvotze'a Berekh Nietz A-donai

רָשָׁע--כְּגֹבַהּ אַפּוֹ בַּל-יִדְרֹשׁ אֵין אֱ'לֹהִים כָּל-מְזִמּוֹתָיו

Rash'à Kegovàh Appò Bal Idrosh En E-lohim Kol Mezimmotav

יָחִילוּ דְרָכָו בְּכָל-עֵת--מָרוֹם מִשְׁפָּטֶיךָ מִנֶּגְדּוֹ כָּל-צוֹרְרָיו יָפִיחַ בָּהֶם

Yaçhilu Derakhav Bekhol 'Et, Marom Mishpatekha MiNeghdò Kol Tzorerav Yafiach Bahem

אָמַר בְּלִבּוֹ בַּל-אֶמּוֹט לְדֹר וָדֹר אֲשֶׁר לֹא-בְרָע

Amar Belibbò Bal Emmot LeDor VaDorAhser Lo VeR'à

אָלָה פִּיהוּ מָלֵא--וּמִרְמוֹת וָתֹךְ תַּחַת לְשׁוֹנוֹ עָמָל וָאָוֶן

Alàh Pihu Malè, uMirmot VaTokh Taçhat Leshonò, 'Amal VaAven

יֵשֵׁב בְּמַאְרַב חֲצֵרִים--בַּמִּסְתָּרִים יַהֲרֹג נָקִי עֵינָיו לְחֵלְכָה יִצְפֹּנוּ

Yeshev BeMarav Chatzerim BaMistarim Yaharog Naqì 'Enav Leçhelekhah Itzponu 

יֶאֱרֹב בַּמִּסְתָּר כְּאַרְיֵה בְסֻכֹּה-- יֶאֱרֹב לַחֲטוֹף עָנִי

Yeerov BaMistar KeArièh VeSukkòh YeErov Laçhatof 'Anì

יַחְטֹף עָנִי בְּמָשְׁכוֹ בְרִשְׁתּוֹ

Yaçhtof 'Anì BeMoshkhò VeRishtò 

ודכה) יִדְכֶּה יָשֹׁחַ וְנָפַל בַּעֲצוּמָיו (חלכאים) חֵל כָּאִים)

Idkèh Yashoach VeNafal Ba'atzumav çhel Kaim

אָמַר בְּלִבּוֹ שָׁכַח אֵ'ל הִסְתִּיר פָּנָיו בַּל-רָאָה לָנֶצַח

Amar Belibbò Shakhaçh E-l, Histir Panav Bal Raàh LaNetzaçh

קוּמָה יי--אֵ'ל נְשָׂא יָדֶךָ אַל-תִּשְׁכַּח (עניים) עֲנָוִים

Qumàh A-donai E-l Nesà Yadekha Al Tishkach Anavim

עַל-מֶה נִאֵץ רָשָׁע אֱ'לֹהִים אָמַר בְּלִבּוֹ לֹא תִדְרֹשׁ

'Al Mèh Nietz Rash'à E-lohim Amar Belibbò Lo Tidrosh

רָאִתָה כִּי-אַתָּה עָמָל וָכַעַס תַּבִּיט-- לָתֵת בְּיָדֶךָ

Raitàh Ki Attàh 'Amal Vakha'as Tabbit, Latet BeYadekha

עָלֶיךָ יַעֲזֹב חֵלֵכָה יָתוֹם אַתָּה הָיִיתָ עוֹזֵר

'Alekha Ya'azov çhelekhah Yatom Attàh Haiita 'Ozer 

שְׁבֹר זְרוֹעַ רָשָׁע וָרָע תִּדְרוֹשׁ-רִשְׁעוֹ בַל-תִּמְצָא

Shevor Zero'à Rash'à VaR'à Tidrosh Rish'ò Val Timzà

יי מֶלֶךְ עוֹלָם וָעֶד אָבְדוּ גוֹיִם מֵאַרְצוֹ

A-donai Melekh 'Olam Va'Ed, Avedù Goyim MeArtzò

תַּאֲוַת עֲנָוִים שָׁמַעְתָּ יי תָּכִין לִבָּם תַּקְשִׁיב אָזְנֶךָ

Taavat 'Anavim Shama'ta A-donai Takhin Libbam Taqshiv Oznekha

לִשְׁפֹּט יָתוֹם וָדָךְ בַּל-יוֹסִיף עוֹד--לַעֲרֹץ אֱנוֹשׁ מִן-הָאָרֶץ

Lishpot Yatom vaDakh Bal Yosif 'Od La'Arotz Enosh Min HaAretz

Tehillim 16 - Mikhtam LeDavid

מִכְתָּם לְדָוִד שָׁמְרֵנִי אֵ-ל כִּי חָסִיתִי בָךְ

Mikhtam LeDavid Shomreni E-l Ki Chasitì Vakh

אָמַרְתְּ לַיי אֲ-דֹנָי אָתָּה טוֹבָתִי בַּל עָלֶיךָ

Amart LA-donai A-donai Attàh Tovatì Bal 'Alekha

לִקְדוֹשִׁים אֲשֶׁר בָּאָרֶץ הֵמָּה וְאַדִּירֵי כָּל חֶפְצִי בָם

Liqdoshim Asher BaAretz Hemmàh veAddirè Kol Cheftzì Vam

יִרְבּוּ עַצְּבוֹתָם אַחֵר מָהָרוּ בַּל אַסִּיךְ נִסְכֵּיהֶם מִדָּם וּבַל אֶשָּׂא אֶת שְׁמוֹתָם עַל שְׂפָתָי

Irbù 'Atzevotam Açher, Maharù Bal Assikh Niskehem Middam uval Essà Et Shemotam 'al Sefatai

יי מְנָת חֶלְקִי וְכוֹסִי אַתָּה תּוֹמִיךְ גּוֹרָלִי

A-donai Menat çhelqì vekhosì Attàh Tomikh Goralì

חֲבָלִים נָפְלוּ לִי בַּנְּעִמִים אַף נַחֲלָת שָׁפְרָה עָלָי

Chavalim Nafelù Lì BanNe'imim Af Nachalat Shafràh 'Alai

אֲבָרֵךְ אֶת יי אֲשֶׁר יְעָצָנִי אַף לֵילוֹת יִסְּרוּנִי כִלְיוֹתָי

Avarekh et A-donai Asher Ye'atzani Af Lelot Isseruni Khiliotai

שִׁוִּיתִי יי לְנֶגְדִּי תָמִיד כִּי מִימִינִי בַּל אֶמּוֹט

Shiviti A-donai LeNeghdì Tamid Ki Miminì Bal Emmot

לָכֵן שָׂמַח לִבִּי וַיָּגֶל כְּבוֹדִי אַף בְּשָׂרִי יִשְׁכֹּן לָבֶטַח

Lakhen Samach Libbì Vayaghel Kevodì Af Besarì Ishkon Lavetach

כִּי לֹא תַעֲזֹב נַפְשִׁי לִשְׁאוֹל לֹא תִתֵּן חֲסִידְךָ לִרְאוֹת שָׁחַת

Ki lo Ta'azov Nafshì Lishol, Lo Titten Chasidekha Lir_ot Shachat 

תּוֹדִיעֵנִי אֹרַח חַיִּים שֹׂבַע שְׂמָחוֹת אֶת פָּנֶיךָ נְעִמוֹת בִּימִינְךָ נֶצַח

Todi'eni Orach Chajim, Sov'a Semachot Et Panekha Biminekha Netzach