Tehillim 73 - Mizmor LeAssaf, Akh Tov LeIsrael

מִזְמוֹר לְאָסָף אַךְ טוֹב לְיִשְׂרָאֵל אֱ'לֹהִים לְבָרֵי לֵבָב

Mizmor LeAssaf, Ach Tov LeIsrael E-lohim Levarè Levav

וַאֲנִי כִּמְעַט (נטוי) נָטָיוּ רַגְלָי כְּאַיִן (שפכה) שֻׁפְּכוּ אֲשֻׁרָי

Vaani Kim'at Natayu Raglai, Keain Shuppekhù Ashurai

כִּי קִנֵּאתִי בַּהוֹלְלִים שְׁלוֹם רְשָׁעִים אֶרְאֶה

Ki Qinneti Baholelim Shelom Resha'im Ereeh

כִּי אֵין חַרְצֻבּוֹת לְמוֹתָם וּבָרִיא אוּלָם

Ki En Charzubot LeMotam uvarì Ulam

בַּעֲמַל אֱנוֹשׁ אֵינֵמוֹ וְעִם אָדָם לֹא יְנֻגָּעוּ

Ba'amal Enosh Enemo Ve'im Adam Lo Yenuga'u

לָכֵן עֲנָקַתְמוֹ גַאֲוָה יַעֲטָף שִׁית חָמָס לָמוֹ
Lakhen 'Anaqàtmo Gaavàh Ya'atof Shit Chamas Lamo
יָצָא מֵחֵלֶב עֵינֵמוֹ עָבְרוּ מַשְׂכִּיּוֹת לֵבָב

Yatzà Mechelev 'Enemo Averù Maskiiot Levav

יָמִיקוּ וִידַבְּרוּ בְרָע עֹשֶׁק מִמָּרוֹם יְדַבֵּרוּ

Yamiqu Vidabberu Ver'à 'Osheq Mimmarom Yedabberu

שַׁתּוּ בַשָּׁמַיִם פִּיהֶם וּלְשׁוֹנָם תִּהֲלַךְ בָּאָרֶץ

Shattu Vashamaym Pihem ulshonam Tihalekh BaAretz

לָכֵן (ישיב) יָשׁוּב עַמּוֹ הֲלֹם וּמֵי מָלֵא יִמָּצוּ לָמוֹ

Lakhen Yashuv 'Ammò Halom, uMè Malè Immatzù Lamo

וְאָמְרוּ אֵיכָה יָדַע אֵל וְיֵשׁ דֵּעָה בְעֶלְיוֹן

VeAmerù Ekhàh Yad'à E-l Veyesh De'a Ve'elyion

הִנֵּה אֵלֶּה רְשָׁעִים וְשַׁלְוֵי עוֹלָם הִשְׂגּוּ חָיִל

Hinnèh Ellèh Resha'im VeShalvè 'Olam Hisgu Chail

אַךְ רִיק זִכִּיתִי לְבָבִי וָאֶרְחַץ בְּנִקָּיוֹן כַּפָּי

Akh Riq Zikkiti Levavi VaErchatz BeNiqqayion Kappai

וָאֱהִי נָגוּעַ כָּל הַיּוֹם וְתוֹכַחְתִּי לַבְּקָרִים

VaEhì Naghu'à Kol HaYom VeTokhachtì LaBeqarim

אִם אָמַרְתִּי אֲסַפְּרָה כְמוֹ הִנֵּה דוֹר בָּנֶיךָ בָגָדְתִּי

Am Amarti Asapperàh Khemò, Hinnè Dor Banekha Vagadti

וָאֲחַשְּׁבָה לָדַעַת זֹאת עָמָל (היא) הוּא בְעֵינָי

VaAchashevàh LaDa'at Zot 'Amal Hu Be'eni

עַד אָבוֹא אֶל מִקְדְּשֵׁי אֵ'ל אָבִינָה לְאַחֲרִיתָם

'Ad Avo El Miqdashè E-l, Avinah LeAcharitam

אַךְ בַּחֲלָקוֹת תָּשִׁית לָמוֹ הִפַּלְתָּם לְמַשּׁוּאוֹת

Akh Bachalaqot Tashit Lamò Hippaltam LeMasuot

אֵיךְ הָיוּ לְשַׁמָּה כְרָגַע סָפוּ תַמּוּ מִן בַּלָּהוֹת

Ekh Hayù LeShemmah Kherag'a, Safu Tammù Min Ballahot

כַּחֲלוֹם מֵהָקִיץ אֲ'דֹנָי בָּעִיר צַלְמָם תִּבְזֶה

Kachalom MeHaqitz A-donai Ba'ir Tzalmam Tivzeh

כִּי יִתְחַמֵּץ לְבָבִי וְכִלְיוֹתַי אֶשְׁתּוֹנָן

Ki Itchammetz Levavì Vekhiliotai Eshtonan

וַאֲנִי בַעַר וְלֹא אֵדָע בְּהֵמוֹת הָיִיתִי עִמָּךְ

Vaani Va'ar Velò Ed'à Behemot Hayiti 'Immakh

וַאֲנִי תָמִיד עִמָּךְ אָחַזְתָּ בְּיַד יְמִינִי

VaAnì Tamid 'Immakh, Achazta BeYad Yeminì

בַּעֲצָתְךָ תַנְחֵנִי וְאַחַר כָּבוֹד תִּקָּחֵנִי

Ba'azatekha Tançheni, VeAchar Kavod Tiqqaçheni 

מִי לִי בַשָּׁמָיִם וְעִמְּךָ לֹא חָפַצְתִּי בָאָרֶץ

Mi Li Vashamaim Ve'immekha Lo Chafatzti VaAretz

כָּלָה שְׁאֵרִי וּלְבָבִי צוּר לְבָבִי וְחֶלְקִי אֱ'לֹהִים לְעוֹלָם

Kalàh Sheeri ulvavì Tzur Levavì VeChelqì E-lohim Le'Olam

כִּי הִנֵּה רְחֵקֶיךָ יֹאבֵדוּ הִצְמַתָּה כָּל זוֹנֶה מִמֶּךָּ

Ki Hinnèh Richeqekha Iovedù Hizmatàh Kol Zonèh Mimmeka

וַאֲנִי קִרֲבַת אֱ'לֹהִים לִי טוֹב שַׁתִּי בַּא'דֹנָי (יי) א-להים מַחְסִי לְסַפֵּר כָּל מַלְאֲכוֹתֶיךָ

VaAni Qirvat Elohim Li Tov, Shati BA-donai E-lohim Maçhsì Lesapper Kol Malaakhotekha