Tehillim 102 - Tefillàh Le'anì

תְּפִלָּה לְעָנִי כִי יַעֲטֹף וְלִפְנֵי יי יִשְׁפֹּךְ שִׂיחוֹ: 

Tefillàh Le'anì Khì Ya'atof, VeLifnè A-donai Ishpokh siçhò

 יי שִׁמְעָה תְפִלָּתִי וְשַׁוְעָתִי אֵלֶיךָ תָבוֹא: 

A-donai Shim'àh Tefillatì, VeShav'atì Elekhà Tavò

 אַל תַּסְתֵּר פָּנֶיךָ מִמֶּנִּי בְּיוֹם צַר לִי הַטֵּה אֵלַי אָזְנֶךָ בְּיוֹם אֶקְרָא מַהֵר עֲנֵנִי:

Al Taster Panekha Mimmennì, BeYom Tzar Lì, Hattèh Elai Oznekha BeYom Eqrà Maher 'anani

   כִּי כָלוּ בְעָשָׁן יָמָי וְעַצְמוֹתַי כְּמוֹ קֵד נִחָרוּ: 

Ki Khalù Ve'ashan Yamai, Ve'atzmotai Kemò Qad Niçharu

 הוּכָּה כָעֵשֶׂב וַיִּבַשׁ לִבִּי כִּי שָׁכַחְתִּי מֵאֲכֹל לַחְמִי: 

Hukkàh Kha'esev Vayivash Libbì Ki Shaçhakhti MaAkhol Laçhmì

 מִקּוֹל אַנְחָתִי דָּבְקָה עַצְמִי לִבְשָׂרִי: 

MiQol Ançhatì Dovqàh 'atzmì Livsarì 

דָּמִיתִי לִקְאַת מִדְבָּר הָיִיתִי כְּכוֹס חֳרָבוֹת

Damitì Liq_at Midbar Hayiti Kekhos çhoravot

שָׁקַדְתִּי וָאֶהְיֶה כְּצִפּוֹר בּוֹדֵד עַל גָּג:

Shaqadti VaEheyèh KeTzippor Boded 'al Gag

 כָּל הַיּוֹם חֵרְפוּנִי אוֹיְבָי מְהוֹלָלַי בִּי נִשְׁבָּעוּ: 

Kol HaYiom çherefuni Oyevai Meholalai Bì Nishba'u

כִּי אֵפֶר כַּלֶּחֶם אָכָלְתִּי וְשִׁקֻּוַי בִּבְכִי מָסָכְתִּי: 

Ki Efer KaLeçhem Akhalti VeShiquvai Bivkhì Masakhti

 מִפְּנֵי זַעַמְךָ וְקִצְפֶּךָ כִּי נְשָׂאתַנִי וַתַּשְׁלִיכֵנִי

Mippenè Za'amekha VeQitzpekha Ki Nesatani VaTashlikheni

יָמַי כְּצֵל נָטוּי וַאֲנִי כָּעֵשֶׂב אִיבָשׁ: 

Yamai KeTzel Natui VaAnì Ka'esev Ivash

וְאַתָּה יי לְעוֹלָם תֵּשֵׁב וְזִכְרְךָ לְדֹר וָדֹר

VeAttàh A-donai Le'Olam Teshev VeZikhrekha LeDor VaDor

  אַתָּה תָקוּם תְּרַחֵם צִיּוֹן כִּי עֵת לְחֶנְנָהּ כִּי בָא מוֹעֵד

Attàh Taqum Teraçhem Tzyion Ki 'Et Leçhenenàh Ki Và Mo'ed

 כִּי רָצוּ עֲבָדֶיךָ אֶת אֲבָנֶיהָ וְאֶת עֲפָרָהּ יְחֹנֵנוּ

Ki Ratzù 'Avadekha Et Avaneha VeEt 'Afaràh Yeçhonenu

 וְיִירְאוּ גוֹיִם אֶת שֵׁם יי וְכָל מַלְכֵי הָאָרֶץ אֶת כְּבוֹדֶךָ

VeYir_ù Goim Et Shem A-donai VeKhol Malkhè HaAretz Et Kevodekha

: כִּי בָנָה יי צִיּוֹן נִרְאָה בִּכְבוֹדוֹ

Ki Vanàh A-donai Tzyion Nir_àh Bikhvodò

:  פָּנָה אֶל תְּפִלַּת הָעַרְעָר וְלֹא בָזָה אֶת תְּפִלָּתָם

Panàh El Tefillat Ha'ar'ar VeLò Vazàh Et Tefillatam

:  תִּכָּתֶב זֹאת לְדוֹר אַחֲרוֹן וְעַם נִבְרָא יְהַלֶּל יָ-הּ

Tikkatev Zot LeDor Açharon Ve'am Nivrà Yehallel Y-àh

 כִּי הִשְׁקִיף מִמְּרוֹם קָדְשׁוֹ יי מִשָּׁמַיִם אֶל אֶרֶץ הִבִּיט

Ki Hishqif Mimmemor Qodshò, A-donai MiShamajim El Eretz Hibbit

 לִשְׁמֹעַ אֶנְקַת אָסִיר לְפַתֵּחַ בְּנֵי תְמוּתָה

Lishmo'a Enqat Asir LeFateaçh Benè Temutàh

 לְסַפֵּר בְּצִיּוֹן שֵׁם יי וּתְהִלָּתוֹ בִּירוּשָׁלִָם

Lesapper BeTzyion Shem A-donai uThillatò BiYrushalaim

 בְּהִקָּבֵץ עַמִּים יַחְדָּו וּמַמְלָכוֹת לַעֲבֹד אֶת יי

Behiqavetz 'ammim Yaçhdav uMamlakhot La'avod Et A-donai

 עִנָּה בַדֶּרֶךְ (כחו) כֹּחִי קִצַּר יָמָי

'Innàh VeDerekh Koçhì, Qitzar Yamai

 אֹמַר אֵ-לִי אַל תַּעֲלֵנִי בַּחֲצִי יָמָי בְּדוֹר דּוֹרִים שְׁנוֹתֶיךָ

Omar E-lì Al Ta'aleni Baçhatzì Yamai BeDor Dorim Shenotekha

 לְפָנִים הָאָרֶץ יָסַדְתָּ וּמַעֲשֵׂה יָדֶיךָ שָׁמָיִם

Lefanim HaAretz Yasadta uMa'asèh Yadekha Shamajim

הֵמָּה יֹאבֵדוּ וְאַתָּה תַעֲמֹד וְכֻלָּם כַּבֶּגֶד יִבְלוּ כַּלְּבוּשׁ תַּחֲלִיפֵם וְיַחֲלֹפוּ

Hemmàh Yovedù VeAttàh Ta'amod VeKhullam KaBeghed Yvlù KaLevush Taçhalifem VeYaçhalofu

 וְאַתָּה הוּא וּשְׁנוֹתֶיךָ לֹא יִתָּמּוּ

VeAttàh Hù uShnotekha Lo Ytammù

בְּנֵי עֲבָדֶיךָ יִשְׁכּוֹנוּ וְזַרְעָם לְפָנֶיךָ יִכּוֹן: (פ

Benè 'Avadekha Yshkonu VeZar'am Lefanekha Ykon.