Tehillim 6 - Lamnatzeach Binghinot 'al Hassheminit Mizmor LeDavid

לַמְנַצֵּחַ בִּנְגִינוֹת עַל-הַשְּׁמִינִית מִזְמוֹר לְדָוִד
Lamnatzeach Binghinot 'al Hassheminit Mizmor LeDavid
יי אַל-בְּאַפְּךָ תוֹכִיחֵנִי וְאַל-בַּחֲמָתְךָ תְיַסְּרֵנִי
A-donai Al BeAppekha Tokhiçheni, VeAl Bachamatekha Teyassereni
חָנֵּנִי יי כִּי אֻמְלַל-אָנִי רְפָאֵנִי יי--כִּי נִבְהֲלוּ עֲצָמָי
Chonneni A-donai Ki Umlal Ani, Refaeni A-donai Ki Nivhalù 'Atzamai
וְנַפְשִׁי נִבְהֲלָה מְאֹד (ואת) וְאַתָּה יי עַד-מָתָי
VeNafshì Nivhalàh Meod VeAttàh A-donai 'Ad Matai
שׁוּבָה יי חַלְּצָה נַפְשִׁי הוֹשִׁיעֵנִי לְמַעַן חַסְדֶּךָ
Shuvàh A-donai Challetzàh Nafshì, Hoshi'eni Lema'an Chasdekha
כִּי אֵין בַּמָּוֶת זִכְרֶךָ בִּשְׁאוֹל מִי יוֹדֶה-לָּךְ
Ki En Bammavet Zikhrekha Bish_ol Mi Yodèh llakh
יָגַעְתִּי בְּאַנְחָתִי--אַשְׂחֶה בְכָל-לַיְלָה מִטָּתִי
Yaga'tti Beanchatì Asçhèh, Bekhol Laylàh Mittatì
בְּדִמְעָתִי עַרְשִׂי אַמְסֶה
Bedim'atì 'Arsì Amsèh
עָשְׁשָׁה מִכַּעַס עֵינִי עָתְקָה בְּכָל-צוֹרְרָי
'Asheshàh Mika'as 'Enì, 'Ateqàh Bekhol Tzorerai
סוּרוּ מִמֶּנִּי כָּל-פֹּעֲלֵי אָוֶן כִּי-שָׁמַע יי קוֹל בִּכְיִי
Suru Mimmenni Kol Po'alè Aven, Ki Sham'à A-donai Qol Bikhii
שָׁמַע יי תְּחִנָּתִי יי תְּפִלָּתִי יִקָּח
Sham'à A-donai Teçhinnatì, A-donai Tefillatì Iqqach
יֵבֹשׁוּ וְיִבָּהֲלוּ מְאֹד--כָּל-אֹיְבָי יָשֻׁבוּ יֵבֹשׁוּ רָגַע
Yevoshu Veibahalù Meod, Kol Oyevai Yashuvu Yevoshu Rag'a