Tehillim 21 - HaShem Be'Ozzekha

לַמְנַצֵּחַ מִזְמוֹר לְדָוִד
Lamnatzeach Mizmor LeDavid
יי בְּעָזְּךָ יִשְׂמַח-מֶלֶךְ וּבִישׁוּעָתְךָ מַה-(יגיל) יָּגֶל מְאֹד
A-donai Be'Ozzekha Ismach Melekh uvishu'atekha Mah Yiaghel Meod
תַּאֲוַת לִבּוֹ נָתַתָּה לּוֹ וַאֲרֶשֶׁת שְׂפָתָיו בַּל-מָנַעְתָּ סֶּלָה
Taavat Libbò Natatàh llò, VaAreshet Sefatav Bal Mana'ta Sselàh
כִּי-תְקַדְּמֶנּוּ בִּרְכוֹת טוֹב תָּשִׁית לְרֹאשׁוֹ עֲטֶרֶת פָּז
Ki Teqaddemennu Birkhot Tov, Tashit LeRoshò 'Atteret Paz
חַיִּים שָׁאַל מִמְּךָ--נָתַתָּה לּוֹ אֹרֶךְ יָמִים עוֹלָם וָעֶד
Chayim Shaal Mimmekha, Natatah llò Orekh Yamim 'Olam Va'ed
גָּדוֹל כְּבוֹדוֹ בִּישׁוּעָתֶךָ הוֹד וְהָדָר תְּשַׁוֶּה עָלָיו
Gadol Kevodò Bishu'atekha, Hod VeHadar Teshavèh 'Alav
כִּי-תְשִׁיתֵהוּ בְרָכוֹת לָעַד תְּחַדֵּהוּ בְשִׂמְחָה אֶת-פָּנֶיךָ
Ki Teshitehu Verakhot La'ad Techaddehu VeSimchàh Et Panekha
כִּי-הַמֶּלֶךְ בֹּטֵחַ בַּיי וּבְחֶסֶד עֶלְיוֹן בַּל-יִמּוֹט
Ki Hammelekh Boteach uvçhesed 'Elion Bal Immot
תִּמְצָא יָדְךָ לְכָל-אֹיְבֶיךָ יְמִינְךָ תִּמְצָא שֹׂנְאֶיךָ
Timzà Yadekhà Lekhol Oyvekha, Yeminekha Timzà Sonekha
תְּשִׁיתֵמוֹ כְּתַנּוּר אֵשׁ-- לְעֵת פָּנֶיךָ יי בְּאַפּוֹ יְבַלְּעֵם וְתֹאכְלֵם אֵשׁ
Teshitemò Ketannur Esh, Le'et Panekha A-donai BeAppò Yevalle'em VeTokhelem Esh
פִּרְיָמוֹ מֵאֶרֶץ תְּאַבֵּד וְזַרְעָם מִבְּנֵי אָדָם
Piriamò MeEretz Teabbed VeZar'am Mibbenè Adam
כִּי-נָטוּ עָלֶיךָ רָעָה חָשְׁבוּ מְזִמָּה בַּל-יוּכָלוּ
Ki Natù 'Alekha Ra'àh, Chashevù Mezimmàh Bal Yukhalu
כִּי תְּשִׁיתֵמוֹ שֶׁכֶם בְּמֵיתָרֶיךָ תְּכוֹנֵן עַל-פְּנֵיהֶם
Ki Teshitemo Shekhem Bemetarekha Tekhonen 'al Penehem
רוּמָה יי בְעֻזֶּךָ נָשִׁירָה וּנְזַמְּרָה גְּבוּרָתֶךָ
Rumàh A-donai Be'uzzekha, Nashiràh unzammeràh Ghevuratekha