Tehillim 143 - Mizmor LeDavid HaShem Shem'a Tefillatì

מִזְמוֹר לְדָוִד יי שְׁמַע תְּפִלָּתִי הַאֲזִינָה אֶל תַּחֲנוּנַי בֶּאֱמֻנָתְךָ עֲנֵנִי בְּצִדְקָתֶךָ
Mizmor LeDavid Shem'a Tefillatì HaAzinàh El Tachanunai BeEmunatekha 'Aneni BeTzidqatekha
וְאַל תָּבוֹא בְמִשְׁפָּט אֶת עַבְדֶּךָ כִּי לֹא יִצְדַּק לְפָנֶיךָ כָל חָי
VeAl Tavò VeMishpat Et 'avddekha, Ki Lo Itzddaq Lefanekha Khol Chai
כִּי רָדַף אוֹיֵב נַפְשִׁי דִּכָּא לָאָרֶץ חַיָּתִי הוֹשִׁיבַנִי בְמַחֲשַׁכִּים כְּמֵתֵי עוֹלָם
Ki Radaf Oyev Nafshì Dikà LaAretz Chaiatì Hoshivani VeMachashakim Kemetè 'Olam
וַתִּתְעַטֵּף עָלַי רוּחִי בְּתוֹכִי יִשְׁתּוֹמֵם לִבִּי
VaTit'attef 'alai Ruçhì Betokhì Ishtomem Libbì
זָכַרְתִּי יָמִים מִקֶּדֶם הָגִיתִי בְכָל פָּעֳלֶךָ בְּמַעֲשֵׂה יָדֶיךָ אֲשׂוֹחֵחַ
Zakharti Yamim Miqqedem, Haghiti Bekhol Pa'olekha BeMa'asèh Yadekha Asocheach
פֵּרַשְׂתִּי יָדַי אֵלֶיךָ נַפְשִׁי כְּאֶרֶץ עֲיֵפָה לְךָ סֶלָה
Perashti Yadai Elekha Nafshì KeEretz 'Ayefàh Lekhà Selàh
מַהֵר עֲנֵנִי יי כָּלְתָה רוּחִי אַל תַּסְתֵּר פָּנֶיךָ מִמֶּנִּי וְנִמְשַׁלְתִּי עִם יֹרְדֵי בוֹר
Maher 'aneni A-donai Kaletàh Ruçhì, Al Taster Panekha Mimmeni VeNimshalti 'im Yoredè Vor
הַשְׁמִיעֵנִי בַבֹּקֶר חַסְדֶּךָ כִּי בְךָ בָטָחְתִּי הוֹדִיעֵנִי דֶּרֶךְ זוּ אֵלֵךְ כִּי אֵלֶיךָ נָשָׂאתִי נַפְשִׁי
Hashmi'eni Vaboqer Chasdekha Ki vekhà Vatachti, Hodi'eni dderekh Zù Elekh Ki Elekha Nasati Nafshì
הַצִּילֵנִי מֵאֹיְבַי יי אֵלֶיךָ כִסִּתִי
Hatzileni Meoyevai A-donai, Elekha Khissiti
לַמְּדֵנִי לַעֲשׂוֹת רְצוֹנֶךָ כִּי אַתָּה אֱ-לוֹהָי רוּחֲךָ טוֹבָה תַּנְחֵנִי בְּאֶרֶץ מִישׁוֹר
Lammedeni La'asot Retzonekha Ki Attàh E-lohai, Ruchakhà Tovàh Tançheni BeEretz Mishor
לְמַעַן שִׁמְךָ יי תְּחַיֵּנִי בְּצִדְקָתְךָ תוֹצִיא מִצָּרָה נַפְשִׁי
Lema'an Shimkhà A-donai Techayieni, BeTzidqatekha Totzì Mitzaràh Nafshì
וּבְחַסְדְּךָ תַּצְמִית אֹיְבָי וְהַאֲבַדְתָּ כָּל צֹרֲרֵי נַפְשִׁי כִּי אֲנִי עַבְדֶּךָ
uvchasddekha Tatzmit Oyevai VeHaAvadtà Kol Tzorarè Nafshì, Ki Anì 'avddekhà