Tehillim 119 - מ Mem (97-104)

מָה אָהַבְתִּי תוֹרָתֶךָ כָּל הַיּוֹם הִיא שִׂיחָתִי
Mah Ahavti Toratekha, Kol HaYom Hi Sichatì
 מֵאֹיְבַי תְּחַכְּמֵנִי מִצְוֹתֶךָ כִּי לְעוֹלָם הִיא לִי
Meoyevai Techakemeni Mizvotekha, Ki Le'olam Hi Lì
מִכָּל מְלַמְּדַי הִשְׂכַּלְתִּי כִּי עֵדְוֹתֶיךָ שִׂיחָה לֿי
Mikol Melammedai Hiskalti, Ki 'Edevotekha Sichàh Li
מִזְּקֵנִים אֶתְבּוֹנָן כִּי פִקּוּדֶיךָ נָצָרְתִּי
MiZeqenim Etbonan, Ki Fiqudekha Natzarti
מִכָּל אֹרַח רָע כָּלִאתִי רַגְלָי לְמַעַן אֶשְׁמֹר דְּבָרֶךָ 
Mikol Orach R'a Kaliti Raglai, Lema'an Eshmor Devarekha
מִמִּשְׁפָּטֶיךָ לֹא סָרְתִּי כִּי אַתָּה הוֹרֵתָנִי
Mimishpatekha Lo Sarti, Ki Attàh Horetani
מַה נִּמְלְצוּ לְחִכִּי אִמְרָתֶךָ מִדְּבַשׁ לְפִי
Màh Nimletzù Leçhikkì, Imratekha Middevash Lefì
מִפִּקּוּדֶיךָ אֶתְבּוֹנָן עַל כֵּן שָׂנֵאתִי כָּל אֹרַח שָׁקֶר
MiPiqudekha Etbonan, 'al Ken Saneti Kol Orach Shaqer

Tehillim 119 - נ Nun (105 - 112)

נֵר לְרַגְלִי דְבָרֶךָ וְאוֹר לִנְתִיבָתִי
Ner LeRaglì Devarekha VeOr Lintivatì
נִשְׁבַּעְתִּי וָאֲקַיֵּמָה לִשְׁמֹר מִשְׁפְּטֵי צִדְקֶךָ
Nishba’ti VaAqayiemàh Lishmor Mishpetè Tzidqekha
נַעֲנֵיתִי עַד מְאֹד יי חַיֵּנִי כִדְבָרֶךָ
Na’aneti ‘ad Meod A-donai Chayieni Khidvarekha
נִדְבוֹת פִּי רְצֵה נָא יי וּמִשְׁפָּטֶיךָ לַמְּדֵנִי
Nidvot Pì Retzèh Nà A-donai, uMishpatekha Lammedeni
נַפְשִׁי בְכַפִּי תָמִיד וְתוֹרָתְךָ לֹא שָׁכָחְתִּי
Nafshì Vekhappì Tamid Toratekha Lo Shakhachti
נָתְנוּ רְשָׁעִים פַּח לִי וּמִפִּקּוּדֶיךָ לֹא תָעִיתִי
Natenù Resha’im Pach Lì, uMifiqqudekha Lo Ta’iti
נָחַלְתִּי עֵדְוֹתֶיךָ לְעוֹלָם כִּי שְׂשׂוֹן לִבִּי הֵמָּה
Nachaltì ‘edevotekha Le’olam Ki Seson Libbì Hemmàh
נָטִיתִי לִבִּי לַעֲשׂוֹת חֻקֶּיךָ לְעוֹלָם עֵקֶב
Natiti Libbì La’asot Chuqqekha Le’olam ‘eqev

Tehillim 119 - ס Samech (113 - 120)

סֵעֲפִים שָׂנֵאתִי וְתוֹרָתְךָ אָהָבְתִּי
Se’afim Saneti VeToratekha Ahavti
סִתְרִי וּמָגִנִּי אָתָּה לִדְבָרְךָ יִחָלְתִּי
Sitrì uMaghinnì Attàh Lidvarekha Ichalti
סוּרוּ מִמֶּנִּי מְרֵעִים וְאֶצְּרָה מִצְוֹת אֱ-לֹהָי
Suru Mimmeni Mere’im VeEtzeràh Mizvot E-lohai
סָמְכֵנִי כְאִמְרָתְךָ וְאֶחְיֶה וְאַל תְּבִישֵׁנִי מִשִּׂבְרִי
Somkheni Kheimratekha VeEchyièh VeAl Tevisheni Missivrì
סְעָדֵנִי וְאִוָּשֵׁעָה וְאֶשְׁעָה בְחֻקֶּיךָ תָמִיד
Se’adeni VeIvvashe’ah VeEsh’àh Vechuqqekha Tamid
סָלִיתָ כָּל שׁוֹגִים מֵחֻקֶּיךָ כִּי שֶׁקֶר תַּרְמִיתָם
Salita Kol Shoghim Mechuqqekha, Ki Sheqer Tarmitam
סִגִים הִשְׁבַּתָּ כָל רִשְׁעֵי אָרֶץ לָכֵן אָהַבְתִּי עֵדֹתֶיךָ
Sighim Hishbatà Khol Rish’è Aretz, Lakhen Ahavtì ‘Edotekha
סָמַר מִפַּחְדְּךָ בְשָׂרִי וּמִמִּשְׁפָּטֶיךָ יָרֵאתִי
Samar Mipachaddekhà Vesarì umimmishpatekha Yareti

Tehillim 119 - ע 'Ain (121 - 128)

עָשִׂיתִי מִשְׁפָּט וָצֶדֶק בַּל תַּנִּיחֵנִי לְעֹשְׁקָי
‘Asiti Mishpat VaTzedeq, Bal Tanniçheni Le’oshqai
עֲרֹב עַבְדְּךָ לְטוֹב אַל יַעַשְׁקֻנִי זֵדִים
‘Arov ‘Avddekha LeTov, Al Ya’ashquni Zedim
עֵינַי כָּלוּ לִישׁוּעָתֶךָ וּלְאִמְרַת צִדְקֶךָ
‘Enai Kallù Lishu’atekha, ulimrat Tzidqekha
עֲשֵׂה עִם עַבְדְּךָ כְחַסְדֶּךָ וְחֻקֶּיךָ לַמְּדֵנִי
‘asèh ‘im ‘avdekha, khechaddekha Vechuqqekha Lammedeni
עַבְדְּךָ אָנִי הֲבִינֵנִי וְאֵדְעָה עֵדֹתֶיךָ
‘avddekha Anì Havineni VeEd’àh ‘Edotekha
עֵת לַעֲשׂוֹת לַיי הֵפֵרוּ תּוֹרָתֶךָ
‘et la’asot LA-donai, Heferu Toratekha
עַל כֵּן אָהַבְתִּי מִצְוֹתֶיךָ מִזָּהָב וּמִפָּז
‘al ken Ahavti Mizvotekha Mizzahav umipaz
עַל כֵּן כָּל פִּקּוּדֵי כֹל יִשָּׁרְתִּי כָּל אֹרַח שֶׁקֶר שָׂנֵאתִי
‘al Ken Kol Piqqudè Khol Issharetì, Kol Orach Sheqer Saneti

Tehillim 119 - פ Pèh (129 - 136)

פְּלָאוֹת עֵדְוֹתֶיךָ עַל כֵּן נְצָרָתַם נַפְשִׁי
Pelaot ‘Edvotekha, ‘al Ken Netzartam Nafshì
פֵּתַח דְּבָרֶיךָ יָאִיר מֵבִין פְּתָיִים
Pertach Ddevarekhà, Yair Mevin Petayim
פִּי פָעַרְתִּי וָאֶשְׁאָפָה כִּי לְמִצְוֹתֶיךָ יָאָבְתִּי
Pì Fa’arti VaEshafàh, Ki LeMizvotekha Yaavti
פְּנֵה אֵלַי וְחָנֵּנִי כְּמִשְׁפָּט לְאֹהֲבֵי שְׁמֶךָ
Penèh Elai Vechonneni, Kemishpat LeOhavè Shemekha
פְּעָמַי הָכֵן בְּאִמְרָתֶךָ וְאַל תַּשְׁלֶט בִּי כָל אָוֶן
Pe’amai Hakhen BeImratekha, Veal Tashlet Bì Khol Aven
פְּדֵנִי מֵעֹשֶׁק אָדָם וְאֶשְׁמְרָה פִּקּוּדֶיךָ
Pedeni Me’osheq Adam, VeEshmeràh Piqqudekha
פָּנֶיךָ הָאֵר בְּעַבְדֶּךָ וְלַמְּדֵנִי אֶת חֻקֶּיךָ
Panekha Haer Be’avddekha, Velammedeni Et Chuqqekha
פַּלְגֵי מַיִם יָרְדוּ עֵינָי עַל לֹא שָׁמְרוּ תוֹרָתֶךָ
Palghè Maim Yaredù ‘enai ‘al lo Shamerù Toratekha

Tehillim 119 - צ Tzadiq (137 - 144)

צַדִּיק אַתָּה יי וְיָשָׁר מִשְׁפָּטֶיךָ
Tzaddiq Attàh A-donai, VeYashar Mishpatekha
צִוִּיתָ צֶדֶק עֵדֹתֶיךָ וֶאֱמוּנָה מְאֹד
Tzività Tzedeq ‘Edotekha VeEmunàh Meod
צִמְּתַתְנִי קִנְאָתִי כִּי שָׁכְחוּ דְבָרֶיךָ צָרָי
Tzimmetatni Qin_atì Ki Shakhechù Devarekhà Tzarai
צְרוּפָה אִמְרָתְךָ מְאֹד וְעַבְדְּךָ אֲהֵבָהּ
Tzerufàh Imratekha Meod Ve’avdekhà Ahevàh
צָעִיר אָנֹכִי וְנִבְזֶה פִּקֻּדֶיךָ לֹא שָׁכָחְתִּי
Tza’ir Anokhì VeNivzèh Piqqudekha Lo Shakhachti
צִדְקָתְךָ צֶדֶק לְעוֹלָם וְתוֹרָתְךָ אֱמֶת
Tzidqatekha Tzedeq Le’olam VeToratekha Emet
צַר וּמָצוֹק מְצָאוּנִי מִצְוֹתֶיךָ שַׁעֲשֻׁעָי
Tzar uMazzoq Mezauni Mizvotekha Sha’ashu’ai
צֶדֶק עֵדְוֹתֶיךָ לְעוֹלָם הֲבִינֵנִי וְאֶחְיֶה
Tzedeq ‘Edevotekha Le’olam HAvineni VeEchyèh

Tehillim 119 - ק Qof (145-152)

קָרָאתִי בְכָל לֵב עֲנֵנִי יי חֻקֶּיךָ אֶצֹּרָה
Qarati Bekhol Lev 'aneni A-donai Chuqqekhà Etzoràh
קְרָאתִיךָ הוֹשִׁיעֵנִי וְאֶשְׁמְרָה עֵדֹתֶיךָ
Qeratikha Hoshi'eni VeEshmeràh 'edotekhà
קִדַּמְתִּי בַנֶּשֶׁף וָאֲשַׁוֵּעָה (לדבריך) לִדְבָרְךָ יִחָלְתִּי
Qiddamti Vanneshef Vaashavve'àh Vidvarekhà Ichalti
קִדְּמוּ עֵינַי אַשְׁמֻרוֹת לָשִׂיחַ בְּאִמְרָתֶךָ
Qiddemù 'enai Ashmurot Lasiach BeImratekhà
קוֹלִי שִׁמְעָה כְחַסְדֶּךָ יי כְּמִשְׁפָּטֶךָ חַיֵּנִי
Qolì Shim'àh Khechasddekhà A-donai KeMishpatekhà Chayieni
קָרְבוּ רֹדְפֵי זִמָּה מִתּוֹרָתְךָ רָחָקוּ
Qarevù Rodefè Zimmàh, MiToratekhà Rachaqu
קָרוֹב אַתָּה יי וְכָל מִצְוֹתֶיךָ אֱמֶת
Qarov Attàh A-donai Vekhol Mizvotekha Emet
קֶדֶם יָדַעְתִּי מֵעֵדֹתֶיךָ כִּי לְעוֹלָם יְסַדְתָּם
Qedem Yada'ti Me'edotekhà Ki Le'olam Yesadtam

Tehillim 119 - ר Resh (153-160)

רְאֵה עָנְיִי וְחַלְּצֵנִי כִּי תוֹרָתְךָ לֹא שָׁכָחְתִּי
Reèh 'Oniì Vechalletzeni, Ki Toratekha Lo Shakhachti
רִיבָה רִיבִי וּגְאָלֵנִי לְאִמְרָתְךָ חַיֵּנִי
Rivàh Rivì ug_aleni, LeImratekha Chayieni
רָחוֹק מֵרְשָׁעִים יְשׁוּעָה כִּי חֻקֶּיךָ לֹא דָרָשׁוּ
Rachoq MeReshà'im Yeshu'àh Ki Chuqqekha Lo Darashu
רַחֲמֶיךָ רַבִּים יי כְּמִשְׁפָּטֶיךָ חַיֵּנִי
Rachamekha Rabbim A-donai KeMishpatekha Chayieni
רַבִּים רֹדְפַי וְצָרָי מֵעֵדְוֹתֶיךָ לֹא נָטִיתִי
Rabbim Rodefai Vetzarai Me'edevotekha Lo Natiti
רָאִיתִי בֹגְדִים וָאֶתְקוֹטָטָה אֲשֶׁר אִמְרָתְךָ לֹא שָׁמָרוּ
Raiti Voghedim VaEtqotatàh Asher Imratekha Lo Shamaru
רְאֵה כִּי פִקּוּדֶיךָ אָהָבְתִּי יי כְּחַסְדְּךָ חַיֵּנִי
Reèh Ki Fiqudekha Ahavti A-donai Kechasdekhà Chayieni
רֹאשׁ דְּבָרְךָ אֱמֶת וּלְעוֹלָם כָּל מִשְׁפַּט צִדְקֶךָ
Rosh ddevarekhà Emet, ul'olam Kol Mishpat Tzidqekhà

Tehillim 119 - ש Shin (161-168)

שָׂרִים רְדָפוּנִי חִנָּם (ומדבריך) וּמִדְּבָרְךָ פָּחַד לִבִּי
Sarim Redafuni çhinnam, umidevarekha Pachad Libbì
שָׂשׂ אָנֹכִי עַל אִמְרָתֶךָ כְּמוֹצֵא שָׁלָל רָב
Sas Anoçhì 'Al Imratekha Kemotzè Shalal Rav
שֶׁקֶר שָׂנֵאתִי וַאֲתַעֵבָה תּוֹרָתְךָ אָהָבְתִּי
Sheqer Saneti VaAta'evàh Toratekhà Ahavti
שֶׁבַע בַּיּוֹם הִלַּלְתִּיךָ עַל מִשְׁפְּטֵי צִדְקֶךָ
Shev'a Bayiom Hillaltikha, 'al Mishpetè Tzidqekha
שָׁלוֹם רָב לְאֹהֲבֵי תוֹרָתֶךָ וְאֵין לָמוֹ מִכְשׁוֹל
Shalom Rav LeOhavè Toratekhà VeEn Lamò Mikhshol
שִׂבַּרְתִּי לִישׁוּעָתְךָ יי וּמִצְוֹתֶיךָ עָשִׂיתִי
Shibarti Lishu'atekha A-donai umitzvotekha 'asiti
שָׁמְרָה נַפְשִׁי עֵדֹתֶיךָ וָאֹהֲבֵם מְאֹד
Shameràh Nafshì 'edotekhà VaOhavem Meod
שָׁמַרְתִּי פִקּוּדֶיךָ וְעֵדֹתֶיךָ כִּי כָל דְּרָכַי נֶגְדֶּךָ
Shamarti Fiqudekha Ve'edoteka Ki Kohl dderakhai Neghdekhà

Tehillim 119 - ת Taf (169-176)

תִּקְרַב רִנָּתִי לְפָנֶיךָ יי כִּדְבָרְךָ הֲבִינֵנִי
Tiqrav Rinnatì Lefanekha A-donai Kidvarekha Havineni
תָּבוֹא תְּחִנָּתִי לְפָנֶיךָ כְּאִמְרָתְךָ הַצִּילֵנִי
Tavò Teçhinnatì Lefanekha, KeImratekha Hatzileni
תָּתַּבַּעְנָה שְׂפָתַי תְּהִלָּה כִּי תְלַמְּדֵנִי חֻקֶּיךָ
Tataba'nàh Sefai Tehillàh, Ki Telammedeni Chuqqekha
תַּעַן לְשׁוֹנִי אִמְרָתֶךָ כִּי כָל מִצְוֹתֶיךָ צֶּדֶק
Ta'an Leshonì Imratekha, Ki Khol Mitzvotekha Tzedeq
תְּהִי יָדְךָ לְעָזְרֵנִי כִּי פִקּוּדֶיךָ בָחָרְתִּי
Tehì Yadekha Le'ozreni, Ki Fiqudekha Vacharti
תָּאַבְתִּי לִישׁוּעָתְךָ יי וְתוֹרָתְךָ שַׁעֲשֻׁעָי
Taavtì Lishu'atekhà A-donai VeToratekha Sha'ashu'ai
תְּחִי נַפְשִׁי וּתְהַלְלֶךָּ וּמִשְׁפָּטֶךָ יַעֲזְרֻנִי
Teçhì Nafshì uThaleleka Umishpatekha Ya'azruni
תָּעִיתִי כְּשֶׂה אֹבֵד בַּקֵּשׁ עַבְדֶּךָ כִּי מִצְוֹתֶיךָ לֹא שָׁכָחְתִּי
Ta'itì Kesèh Oved Baqqesh 'avdekhà Ki Mitzvotekha Lo Shakhachti